प्रहरीलाई फोन गरेर पिज्जा अर्डर गरेपछि

२०७६ फागुन ५ सोमवार
Newsdesk Shikharnews

काठमाडौं, फागुन ५ । नेपालमा बालबालिकाहरु पुलिसको नाम लिने वित्तिकै डराउने गर्दछन् ।बालिबालिकाहरु जिद्दि गरेर रुने कराउने गरेमा पुलिस आयो, पुलिसलाई बोलाउँछु भन्दा डर र त्रासले रुन–कराउँन छोड्छन् । भनेको काम नमाने वा अभिभावकको कुरा नटेरे प्रहरीको नाम लिने वित्तिकै त्यस्ता बालबच्चाहरु ठिक ठाउँमा आउँछन् ।

तर अमेरिकाको फ्लोरिडा एक ५ वर्षीय बालक मानुयल बेशाराले प्रहरीलाई फोन गरे । उनले फोन मात्र गरेनन् फोनमा आफू भोकाएको भन्दै पिज्जा खान मन लागेको समेत बताए ।

फ्लोरिडा प्रहरीको ९११ मा बालकले फोन गरे लगत्तै उनको घर प्रहरी पुग्यो । प्रहरी कन्ट्रोल रुममा आएको जानकारीलाई पछ्याउदै बालकको घरसम्म प्रहरी पुग्दा ती बालक आफ्नी १५ वर्षीय दिदीसंग थिए ।

सोधपुछका क्रममा मानुयलले फोन गर्दा परिवारका सदस्य त्यसबारे जानकार नरहेको प्रहरीले पत्ता लगायो । तर प्रहरीले बालकले प्रहरी कन्ट्रोल नम्बरमा कल गरेकोले त्यसको उपयोगिता बुझाउदै एउटा पिज्जा समेत दियो ।

यसरी प्रहरीलाई भोक लाग्यो भन्दै फोन गरेपछि घरसम्मै पिज्जा बोकेर पुगेको थियो । यो तस्वीर अहिले सामाजिक सञ्जालमा निकै भाइरल बनको छ ।

Advertisement