हिमाली समुदायको महान पर्व ग्याल्पो ल्होसारको अवसरमा भोटेकोशी गाउँपालिकाले ३ दिन विदा दिने निर्णय गरेको छ । गाउँपालिकाले सूचना निकाल्दै फागुन ११, १२ र १३ गते सांस्कृतिक महत्वको ग्याल्पो ल्होसारका लागि गाउँपालिका अन्तर्गत सरकारी कार्यालय तथा विद्यालयहरुमा समेत सार्वजनिक बिदा दिइने उल्लेख गरेको छ ।

आउँदै गरेको २१४७ औँ ग्लाल्पो ल्होसारमा बागमती प्रदेशमा ३ दिन सार्वजनिक विदा दिन माग राख्दै नेपाल शेर्पा संघ अन्तर्गतको बागमती प्रदेश समितिले केही दिन प्रदेश सरकारसमक्ष ज्ञापनपत्र समेत बुझाएको थियो ।