सबै प्रहरी बदनाम हुदैनन कोहि भगवान जस्ता पनि हुन्छन ।

२०७७ वैशाख १२ शुक्रवार
Newsdesk Shikharnews

जुनियर प्रहरी अधिकृत शिक्षालय भरतपुरमा कार्यरत प्रहरी नायव महानिरिक्षक रणवहादुर चन्द मंगलबार विहान पोखरा बाट बेनी आउँदै हुनुन्थ्यो । पोखरा – बागलुङ राजमार्गको लुम्ले खण्डमा सडकको छेवैमा औसेलु विक्री गर्न वसेकी थिइन लुम्ले ४ कास्की की धनसुवा विक । बालिकाले औसेलु विक्री गर्न वसेको देखेपछि चन्द गाडीबाट झरेर वालिका समक्ष पुग्नुभयो । उहाँले वालिका सँग ८० रुपियाँको औसेलु पनि खरिद गर्नुभयो ।

स्थानीय सिद्ध आदर्श विद्यालयमा कक्षा पाँचमा अध्ययनरत विकको पारिवारिक अवस्था कमजोर छ । घरको कमजोर आर्थिक अवस्थाका कारण औसेलु विक्री गरेर पढाइ खर्च जुटाइरहेकी विकलाई डीआइजी चन्दले भेटेपछि भने वालिकाको जिवनमा एकाएक इश्वर नै आए जस्तो भयो ।

पढाइ खर्च जुटाउन धौधौ परेको यी बालिकालाई नेपाल प्रहरीले मासिक रुपमा २ हजार रुपियाँ दरले पढाइ खर्च दिने भएको छ ।

राजमार्गको छेवैमा औसेलु विक्री गर्न वसेकी वालिकाको अध्ययनमा सहयोग पुगोस भनेर मासिक रुपमा उक्त रकम प्रदान गर्ने निर्णय डीआइजी चन्दले सडकबाटै गर्नुभयो । हामीले वालिकाको पढाइमा सहयोग पुगोस भनेर उक्त रकम दिने निर्णय ग¥यो,डीआइजी चन्दले भन्नुभयो,“आर्थिक अवस्था कमजोर त्यसमा पनि दलित भएकाले यिनै बालिकालाई नै रोज्यो ।” अव मासिक रुपमा वालिकाको खातामा दुइहजार रुपियाँ पैसा पठाइ दिन्छौ उहाँले भन्नुभयो । वालिकाले पढ्ने समयसम्म मासिक रुपमा यो पैसा पाउँनेछिन् । नेपाल प्रहरीले देशभरबाट एकसय पचाँस जना जति गरिव र जेहन्दार विद्यार्थीहरुको अध्ययनका लागि प्रति विद्यार्थी दुइहजारका दरले रकम प्रदान गर्ने गरेको डीआइजी चन्दले बताउनुभयो ।

आफ्नो घर जमिन नभएका सुकुम्वासी तपवहादुर विकको घरमा नेपाल प्रहरीको यो निर्णयले यतिखेर खुसियाली छाएको छ ।

एक छोरा सहित पाँच छोरीहरुलाई विद्यालय पठाउन लागि ज्याला मजदुरी गरेको पैसाले धौधौ हुने गरेको तपवहादुर विकको परिवारलाई यो थोरै भएपनि राहत मिलेको छ ।

डीआइजी चन्द नेपाल प्रहरीहरुलाई दिइने तालिमका वारेमा सारोकारवालाहरु सँग परामर्श गर्न मंगलबार म्याग्दी आउनुभएको हो । म्याग्दीमा उहाँले भविष्यमा नेपाल प्रहरीले नागरिक सँग सुदृढ सम्बन्ध विकास गर्नका लागि आवश्यक पर्ने तालिमका वारेमा परामर्श गर्नुभएको छ ।

डीआइजी चन्दले म्याग्दीका प्रमुख जिल्ला अधिकारी राजुप्रसाद पौडेल र प्रहरी नायव उपरिक्षक बशुन्धरा खड्का सँग पनि छलफल गर्नुभएको थियो । चन्द आजै मुस्ताङ तर्फ लाग्नुभएको छ ।
नवबिकल्पबाट