‘स्वीस बैंकमा प्रधानमन्त्रीको खाता र ५.५ मिलियन अमेरिकी डलर जम्मा रहेको भन्ने समाचार शतप्रतिशत गलत र कपोलकल्पित’

२०७७ असार ३१ बुधवार
Newsdesk Shikharnews

काठमाडौं, ३१ असार । प्रधानमन्त्री केपी शर्मा ओलीका प्रेस सल्लाहकार सूर्य थापाले प्रधानमन्त्रीको स्विस बैंकमा डलर रकम रहेको भनेर विभिन्न अनलाईन सञ्चारमाध्यममा आएका समाचार शतप्रतिशत गलत र कपोलकल्पित रहेको स्पष्ट पारेका छन् । सामाजिक सञ्जाल फेशबुकमार्फत थापाले यस्तो स्पष्ट पारेका हुन् ।

थापाले लेखेका छन्,’स्वीस बैंकमा खाता र ५.५ मिलियन अमेरिकी डलर जम्मा रहेको वा यस्तै व्यहोराका तथाकथित रिपोर्ट शतप्रतिशत गलत र कपोलकल्पित रहेको स्पष्ट गर्दछु । जुनसुकै दुर्नियतका साथ तयार गरी सम्प्रेषित यस्ता तथ्यहीन सामग्रीहरूलाई आधार मानेर समाचार बनाई नेपाली जनतामा भ्रम छर्न र प्रधानमन्त्रीज्यूलाई बदनाम गर्न उद्यत यस्ता कतिपय संचारमाध्यमहरूको रवैया खेदजनक छ ।