गुणस्तरीय खाद्यान्न उपलव्ध गराउने उद्देश्यसहित वर्ष दिन भित्रै काठमाडौँमा नेचर सुपरमार्केटको १० शाखा खुल्ने

२०७७ असोज २६ सोमवार
Newsdesk Shikharnews

उपभोक्तालाई गुणस्तरीय खाद्यान्न र ग्रोसरी सामान उपलव्ध गराउने उद्देश्य सहित काठमाडौंको मैतीदेवीमा नेचर सुपरमार्केट प्रा.लि. सञ्चालनमा आउने भएको छ । उपभोक्ताप्रति गुणस्तरीय खाद्यान उपलब्ध गराउने विषयमा जिम्मेवार छौ भन्ने प्रमाणित गर्नकै लागी सुपरमार्केटको नारा नै ‘उपभोक्ताको सन्तुष्टि, हाम्रो दायित्व’ रहेको सञ्चालनको तयारीमा रहेको सुपरमार्केटका अध्यक्ष जनक धामीले बताए ।

यस नेचर सुपरमार्केटमा व्यवसायिक क्षेत्रमा ३ दशक लामो अनुभव संगालेका व्यवसायीहरु संलग्न छन् । अध्यक्ष धामीले स्थापनाको एक वर्ष भित्रै काठमाडौं उपत्यकामा १० स्थानमा शाखा विस्तार गरिने बताए ।

काठमाडौं उपत्यका पछि देशका प्रमुख शहरहरुमा नेचर सुपरमार्केटको शाखा विस्तार गर्ने उद्देश्य रहेको प्रा.लि.का सञ्चालक सदस्य तारामान धामीले बताए । बजारको माग अनुरुप सर्वसुलभ र गुणस्तरीय सामानहरु उपभोक्तामाझ पु¥याइने उनले प्रतिबद्धता जनाए । सुपरमार्केटमा स्वदेशी उत्पादनका साथै कृषिजन्य सामाग्रीलाई प्राथमिकतामा राखिने उनको भनाई छ ।

मूल्यमा एकरुपता कायम गर्दै उपभोक्ताको आवश्यकता र माग अनुसार शहरदेखि गाउँसम्म गुणस्तरीय सामानहरु बिक्री वितरण गरिने प्रवन्धक सुभेक्षा धामीले बताइन् ।