सुन तस्करलाई संरक्षण

२०७७ कात्तिक २५ मंगलवार
Newsdesk Shikharnews

राजश्व अनुसन्धान विभागले दुई अर्ब २३ करोड १३ लाख रुपैयाँ बराबरको सुन तस्करी गरेको आरोपमा गत महिना भैरहवाका व्यवसायी सुनिल सुनार (सोनी)लाई मुद्दा दायर ग¥यो । के एकै व्यक्तिले यति ठूलो परिणाममा सुनको तस्करी गर्न सम्भव छ ? विभागको अभियोजनलाई हेर्ने हो भने उनी एक्लैले यत्रो कारोबार गरेका हुन् । किनकि, विभागले यति ठूलो तस्करीमा अन्य कसैलाई पनि मुद्दा दायर गरेको छैन ।

4भैरहवामा सुन पसल चलाउने सुनारले त्यही पसलको आवरणमा भारतमा सुन तस्करीको धन्दा चलाउँदै आएका थिए । गत २० असारमा उनी ७५ हजार रुपैयाँ नगदसहित पक्राउ गर्दा तस्करी खुलेको थियो ।

स्रोतका अनुसार यस्तो तस्करीमा ठूलो गिरोह भएपनि विभागले अरुलाई भने जोगाउने काम गरेको छ । यसमा काठमाडौंमा केही ठूला व्यापारी समेत संलग्न रहेको स्रोत बताउँछ । त्यसरी भारत जाने सुन धेरैजसो चीन, दुबईलगायतका देशबाट तस्करी भएर आउने गर्दथ्यो । तर, विभागको फितलो अनुसन्धानले तस्करीमा संलग्न ठूलो गिरोह जोगिएको छ । कतिसम्म भैरहवामा तस्करीका लागि उनले प्रहरीसँग समेत सेटिङ मिलाउने गरेको स्रोत बताउँछ । सोही कारण उनको सुन तथा चाँदी कहिल्यै पनि बरामद भएको थिएन ।

चीनबाट नेपाल हुँदै भारत सुन तस्करी गर्ने ठूला गिरोह सक्रिय छन् । तिनै गिरोहको एक मुख्य सदस्य थिए सुनिल । उनीविरुद्ध मुद्दा दायर गरेपनि गिरोहलाई विभागका महानिर्देशक दीर्घराज मैनालीलगायतले नै उन्मुक्ति दिएको स्रोत बताउँछ । उनी निकट हुन्डी कारोबारी पनि कोही अनुसन्धानको दायरामा आएका छैनन्