नेपालमा कोरोनाबाट आज २२ जनाको मृत्यु

२०७७ मंसिर ५ शुक्रवार
Newsdesk Shikharnews

काठमाडौं, ५ मंसिर । कोरोना संक्रमणबाट आज थप २२ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या १२९८ पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित १९ सय ४५ थपिएका छन् ।

आज ५ हजार ३सय ६४ जना कोरोना संक्रमणबाट निको भई घर फर्केका छन् । हालसम्म २ लाख १६ हजार ९ सय ६५ संक्रमित भएपनि १ लाख ९१ हजार २ जना संक्रमण निको भई डिस्चार्ज भईसकेका छन् भने २४ हजार ६ सय ६५ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।

आजसम्म १६ लाख ४३ हजार ९ सय जनाको पिसीआर परिक्षण भएको छ भने २४ हजार ६ सय ६५ जना आइसोलेशनमा बसेका छन् । त्यस्तै क्वारेन्टिनमा बस्नेको सख्या ७ सय ५३ रहेको छ ।