बुहारीमाथि बलात्कार प्रयास गर्नेले आफ्नै छोराको हत्या गरे

२०७७ मंसिर १४ आइतवार
Newsdesk Shikharnews

एजेन्सी, १४ मंसिर । घरमा सासुबुहारी मात्र थिए । परिवारका अन्य सदस्य विवाहमा सरिक हुन अर्को शहर गएका थिए । यसलाई ५६ वर्षीय वृद्ध ससुराले आफ्नो खराब नियत देखाइहाले । उनले बुहारीमाथि बलात्कारको प्रयास गरे । बुहारीले प्रतिकार गरिन् ।

श्रीमान् घर फर्किएपछि उनले घटनाको बेलिविस्तार लगाइन् । छोराले पिताको विरोध गरे । घरझगडा भयो । घरमा पिता र भाईसमेत मिलेर झगडा गरे । छोराले प्रहरीमा उजुरी दिने बताएपछि पिताले छोरामाथि गोली प्रहार गरेर हत्या गरे ।

यो घटना भारतको उत्तर प्रदेशस्थित मोरादावाद जिल्लामा भएको हो । पिताले छोराको शनिबार हत्या गरेका हुन् । घटनामा अभियुक्तमाथि उजुरी दर्ता भएको छ ।