महासचिव विष्णु पौडेलको जन्मदिन, केक काटेर सुरु भयो नेकपा सचिवालय बैठक

२०७७ मंसिर १६ मंगलवार
Newsdesk Shikharnews

सत्तारुढ दल नेपाल कम्युनिष्ट पार्टी (नेकपा) का सचिवालय सदस्य, महासचिव तथा अर्थमन्त्री विष्णु प्रसाद पौडेलको जन्मदिनको अवसरमा नेकपा सचिवालय बैठकमा केक काटिएको छ। अध्यक्षद्धय केपी शर्मा ओली र पुष्पकमल दाहालले केक काटेर खुवाएका थिए । प्रधानमन्त्री ओलीका प्रेस सल्लाहकार सूर्य जापाले जनाएअनुसार महासचिव पौडेलको जन्मदिनको शुभकामना दिँदै आजको सचिवालय बैठक सुरु भएको छ ।

उनले फेशबुकमा लेखेका छन्, “महासचिव कमरेड विष्णुप्रसाद पौडेललाई जन्मदिनको शुभकामना दिंदै पार्टी सचिवालयको बैठक शुरूभएको छ । प्रधानमन्त्री तथा अध्यक्ष केपी शर्मा ओली र अर्का अध्यक्ष पुष्पकमल दाहालूप्रचण्डू, उपप्रधानमन्त्री ईश्वर पोखरेलका साथै वरिष्ठ नेता कमरेडहरूले केक खुवाएर महासचवलाई जन्मदिनको बधाई तथा स्वस्थ जीवनको शुभकामना व्यक्त गर्नुभएको छ । उक्त अवसरमा पार्टी उपध्यक्ष वामदेव गौतमले १०० बर्ष बाँच्नुहोस् र राम्रो काम गरेर जानुहोला भन्दै शब्दमा शुभकामना दिनुभएको छ । ६२ बर्षमा प्रवेश गर्नुभएका महासचिव कमरेडलाई हाम्रो पनि हार्दिक बधाई तथा सफल र स्वस्थ जीवनको शुभकामना ।”