विश्व प्रख्यात पत्रकार ल्यारी किङ्गको निधन

२०७७ माघ ११ आइतवार
Newsdesk Shikharnews

अमेरिकी टेलिभिजन होस्ट ल्यारी किङ्गको निधन भएको छ । ८७ वर्षिय किङ्गको निधन भएको समाचार उनकै ट्वस्टर अकाउन्टबाट पोस्ट गरिएको हो । उनको पोस्टलाई सञ्चारमाध्यम तासले उदृत गर्दै लेखेको छ,‘गहिरो उदासिनताको साथ भन्नु परेको छ ।

ल्यारी किङ्ग हाम्रो बीच रहेनन् । ओरा मिडियाले आफ्नो सह संस्थापक, होस्ट र साथी किङ्गको निधन भएको घोषणा गर्दछ ।’ उनी कोरोनाका कारण अस्पताल भर्ना भएको विषयलाई सीएनएनले जनवरी २ मा प्रकाशन गरेको थियो ।