गोंगबुमा हत्या गरी शव टुक्रा पारेर फाल्ने कल्पनालाई आजीवन कारावासको सजाय, नाबालिक छोरीलाई सफाई

२०७७ फागुन १९ बुधवार
Newsdesk Shikharnews

गबु हत्या प्रकरणमा अदालतले कल्पना मुडभरीलाई दोषी ठहर गरी आजीवन कारावासको सजाय सुनाएको छ । काठमाडौं जिल्ला अदालतले १३ फागुनमा मुठभरीलाई दोषी ठहर गरेको हो ।

काठमाडौं जिल्ला अदालतका न्यायाधीश राजेन्द्र अधिकारीको एकल इजलासले आजीवन कारावासको सजाय सुनाएको हो । कल्पनाकी नाबालिक छोरीले भने सफाई पाएकी छिन् । सुटकेशमा शव व्यवस्थापनमा कल्पनाकी छोरी समेत संलग्न रहेको खुलेको थियो ।

२५ साउनमा कल्पनाले आफ्नै कोठामा कृष्णबहादुर बोहराको हत्या गरी सुटकेशमा शव फालेकी थिइन् । चितवन घर भई गोंगबु बस्दै आएकी ३७ वर्षीया कल्पना र ४५ वर्षीय बोहराबीच निकट सम्बन्ध रहेको र लेनदेनको समेत विवाद भएको खुलेको थियो ।

प्रहरीसँगको बयानमा कल्पनाले आफूलाई बोहराले तनाव दिएपछि हत्या गरेको बताएकी थिइन् ।