घाटा कम गर्न फेरि बढाइयो पेट्रोलियम पदार्थको मूल्य

२०७७ चैत २३ सोमवार
Newsdesk Shikharnews

नेपाल आयल निगमले पेट्रोलियम पदार्थको मूल्य आज पुनः वृद्धि गरेको छ । पछिल्लो निगमले पेट्रोलमा प्रतिलिटर दुई रुपैयाँ वृद्धि गरेको छ ।

नयाँ मूल्यअनुसार अब पेट्रोल प्रतिलिटर १२० रुपैयाँ पुगेको छ । यस्तै, डिजेल र मट्टीतेलमा समेत प्रतिलिटर दुई रुपैयाँ नै वृद्धि गरेको छ । नयाँ मूल्यअनुसार डिजेल र मट्टीतेल प्रतिलिटर १०३ पुगेको छ ।

खाना पकाउने एलपी ग्यास र हवाई इन्धनको खुद्रा बिक्री मूल्य भने हाललाई यथावत् नै राखिएको छ । निगमले यसअघि फागुन ४, १७ र चैत ४ गते पेट्रोलियम पदार्थको मूल्य बढाएको थियो।

फागुन यतामात्रै चार पटक मूल्य बढाईसकेको निगमले आजबाट लागू भएको मूल्य समायोजनपश्चात् पेट्रोलमा प्रतिलिटर सात रुपैयाँ ३९ पैसा, डिजेलमा एक रुपैयाँ ९४ पैसा तथा एलपी ग्यासमा चार सय १८ रुपैयाँ ४७ पैसा घाटाकम हुने देखिन्छ । भई करिब

मूल्य समायोजनबाट ८८ करोड रुपैयाँ बराबरको घाटाकम हुने देखिन्छ । हाल निगम मासिक एक अर्ब नौ करोड रुपैयाँ बराबर घाटामा रहेको छ ।