फिर्मिनो र क्यासमिरोको गोलमा ब्राजिलको जित

२०७८ असार १० बिहीवार
Newsdesk Shikharnews

असार १०,काठमाडौं । फरवार्ड रोबर्टाे फिर्मिनो र क्यासमिरोले गोल गरेपछि घरेलु टोली ब्राजिलले कोपा अमेरिका कपमा कोलम्वियामाथि  जित निकालेको छ ।

रियो दि जेनेरियोस्थित निल्टन सान्तोस स्टेडियममा बिहीबार बिहान भएको खेलमा लुइस डियाजको गोलबाट कोलम्वियाले १–० को अग्रता लिएको थियो ।तर खेलको ७८औं मिनेटमा फिर्मिनोले गोल गर्दै खेललाई १–१ गोलको बराबरीमा ल्याए ।

खेल को ईन्जुरी समयमा  थप गरिएको १०औं मिनेटमा क्यासमिरोले गोल गर्दै ब्राजिललाई २–१ को  जित दिलाए । नेयमारको कर्नरमा अनमार्क रहेका क्यासमिरोले हेडरमार्फत गोल गरेका थिए । यो जितसँगै क्वाटरफाइनलमा स्थान बनाइसकेको ब्राजिल ३ खेलबाट ९ अंक जोडेर शीर्षस्थानमा रहेको छ । कोलम्विया ४ अंक जोडेर दोस्रो स्थानमा रहेको छ ।