आज विश्वासको मत लिदै देउवा, देउवाको पक्ष र विपक्षमा कति सांसद पुग्लान् ?

२०७८ साउन ३ आइतवार
Newsdesk Shikharnews

प्रधानमन्त्री शेरबहादुर देउवाले प्रतिनिधि सभामा आज विश्वासको मत लिने भएका छन् । दोस्रो पटक पुनःस्थापित संसदको पहिलो बैठकमा उनले विश्वासको मत लिन लागेका हुन् ।

विश्वासको मत लिने प्रस्ताव कानुनमन्त्री ज्ञानेन्द्रबहादुर कार्कीद्वारा सभामुख अग्निप्रसाद सापकोटामार्फत् संसद सचिवालयमा दर्ता भइसकेको छ ।

देउवाको पक्षमा यसअघि प्रधानमन्त्रीका लागि प्रस्तावमा हस्ताक्षर गर्दा १४९ सांसद थिए । एमालेको माधवकुमार नेपाल पक्षबाट २६ मध्ये पछि ३ जनाले हस्ताक्षरबाट पछि हटेका थिए ।

यथास्थितिमा देउवाको पक्षमा नेपाली काँग्रेसका ६१, नेकपा माओवादी केन्द्रका ४९, नेकपा एमालेको माधवकुमार नेपाल पक्षको २३, जसपाको उपेन्द्र यादव पक्षधर १८ र राष्ट्रिय जनमोर्चाका १ सांसद छन् ।

प्रतिनिधि सभामा कुल सांसद संख्या १६७ रहेकोमा देउवाले १३४ सांसदको साथ पाए पुग्छ । उनलाई अहिले १५२ सांसदको साथ देखिन्छ । यसकारण देउवाले विश्वासको मत पाउने सम्भावना बलियो छ ।

देउवालाई मत दिनेमा नेकपा एमालेको माधव पक्ष र जसपाको उपेन्द्र यादव पक्षका सांसदको मत तलमाथि हुन सक्छ ।

देउवाको विपक्षमा नेकपा एमालेको केपी शर्मा ओली पक्षका ९८, जसपाको महन्थ ठाकुर पक्षधर १४, राप्रपाका १ र नेमकिपाका १ सांसद छन् । कुल ११४ सांसद देउवाको विक्षमा देखिएका छन् । तर, राप्रपा र नेमकिपा मतदानमा तटस्थ बस्न सक्छन् ।