वीर अस्पताललाई दुईवटा मेसिन उपलब्ध गराइयो

२०७९ वैशाख २६ सोमवार
Newsdesk Shikharnews

काठमाडौंको ईश्वर मन्दिर नामक एक सामाजिक संस्थाले दुईवटा इलेक्ट्रो लाइट एनलाईजर वीर अस्पताललाई उपलब्ध गराएको छ । सोमबार एक कार्यक्रमका बीच संस्थाका प्रमुख संरक्षक एवम् पूर्व अर्थमन्त्री शंकरप्रसाद कोइरालाले रगत परीक्षणका लागि अति उपयोगी हुने सो मेसिन अस्पतालका निर्देशक डा.भुपेन्द्र बस्नेतलाई हस्तान्तरण गरेका हुन् ।
अमेजिन प्यारेन्स भन्ने अष्ट्रेलियामा रहेको एक संस्थाले उपलब्ध गराएको सो मेसिन गरिब र असहायहरूले उपचार गरिरहेको वीर अस्पताललाई उपलब्ध गराइएको संस्थाका प्रमुख संरक्षक कोइरालाले बताए ।
यता,अस्पतालका निर्देशक बस्नेतले गरिबीको जीवन रक्षाका लागि अति आवश्यक मेसिन उपलब्ध गराएको भन्दै संस्थाप्रति आभार व्यक्त गरे । सो संस्थाले नेपालको शिक्षा, स्वास्थ्य र भूकम्पपछिको पुनर्निर्माणमा काम गर्दै आएको बताइएको छ ।