चितवन रत्ननगर नगरपालिकामा मतगणना सुरु

२०७९ वैशाख ३१ शनिवार
Newsdesk Shikharnews

रत्ननगर नगरपालिकामा मतगणना सुरु भएको छ । रत्ननगर नगरपालिकाको कार्यालयमा शनिबार विहान १० बजेदेखि मतगणना सुरु भएको हो । गणना वडा नम्बर १ बार सुरु गरिएको निर्वाचन अधिकृत बिनोदकुमार गौतमले जानकारी दिए ।

मेयरमा नेकपा एमालेबाट विमलादेवी दवाडी, नेपाली कांग्रेसबाट प्रल्हाद सापकोटा, राप्रपाबाट हरिकृष्ण भट्टराई, राष्ट्रिय जनमोर्चाबाट इन्द्रप्रसाद पाध्य पौडेल, नेकपा मालेबाट तबहादुर विक, राप्रपा नेपालबाट बलराम आचार्य, नेपाल मजदुर किसान पार्टीबाट पुनाराम शर्मा, मंगोल नेशनल अर्गनाइजेशन पार्टीबाट धनबहादुर थिङ, संजीवकुमार मिश्रले उमेदवारी दिएका छन् ।

उपमेयरमा नेकपा एमालेबाट यादवप्रसाद पाठक, नेकपा एकीकृत समाजवादीबाट बद्रीनाथ घिमिरे, राष्ट्रिय जनमोर्चाबाट चन्द्रकला क्षेत्री, जनता समाजवादी पार्टीबाट गोमादेवी देवकोटा, राप्रपाबाट विमला चौधरी, राप्रपा नेपालबाट रसिला खड्की, मंगोल अर्गनाइजेशन पार्टीबाट इश्वरी गुरुङ र स्वतन्त्रबाट विरञ्जना घिमिरे सापकोटाले उम्मेदवारी दिएका छन् । सो नगरपालिकामा मेयर उपमेयर सहित ८२ को लागि ४०६ जनाको उमेदवारी परेको छ ।