सुनको भाउ घटयो, मंगलबार कतिमा हुदै छ कारोबार ?

२०७९ असोज ११ मंगलवार
Kamal P

काठमाडौ । मंगलबार सुनको भाउ घटेको छ । मंगलबार सुनको तोलामा ४ सय रुपैयाले घटेको हो । सोमबार तोलाको ९१ हजार ८ सय रुपैयाँमा कारोबार भएको छापावाला सुनको भाउ मंगलबार प्रतितोला ९१ हजार ४ सय रुपैयाँमा आइपुगेको छ ।

त्यस्तै आज तेजाबी सुनको भाउ पनि प्रतितोला ४ सय रुपैयाँले नै सस्तिएर ९० हजार ९ सय रुपैयाँमा कारोबार भइरहेको छ । आज चाँदीको भाउ तोलामा १० रुपैयाँले घटेर प्रतितोला १ हजार १५० सय रुपैयाँमा झरेको छ ।

नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ७८ हजार ३ सय ६० रुपैयाँ, प्रति १० ग्राम तेजाबी सुनको मूल्य ७७ हजार ९ सय ३० रुपैयाँ र प्रति १० ग्राम चाँदीको मूल्य ९ सय ८६ रुपैयाँ कायम गरेको छ ।