पाकिस्तानका पूर्व प्रधानमन्त्री इमरान खानमाथि गोली प्रहार

काठमाडौ । पाकिस्तानका पूर्व प्रधानमन्त्री इमरान खानमाथि गोली प्रहार भएको छ । बिबिसी हिन्दीका अनुसार गुजरावालाको अल्लाहवाला चोकमा उनी माथि गोली प्रहार भएको हो। इस्लामावादमा भएको र्यालीमा जान लाग्दा उनी माथि गोली प्रहार भएको हो ।

उनको खुट्टामा गोली लागेको र उनलाई अस्पताल लगिएको पाकिस्तानी संचारमाध्यमहरुले उल्लेख गरेका छन्। गोली लागे पनि खान खतरामुक्त भएको बताईएको छ ।

गोली लागेको समयमा उनी ट्रकमा रहेको र घाटा लगतै प्रहरीले उनलाई बुलेट प्रुफ गाडीमा हालेर सुरक्षित स्थानमा लगेको छ । प्रहरीले गोली चलाएको आरोपमा एक जना युवकलाई पक्राउ गरेको छ । तर गोली उनले नै चलाएको हो या होइन् भन्ने पुष्टि भईनसकेको बिबिसी हिन्दीले उल्लेख गरेको छ । घटनामा खानको पार्टी पीटिआईका एक सांसद सहित थप ४ जना घाइते भएको बताईएको छ ।

खानका समर्थहरुले खानको हत्या प्रयास भएको बताएका छन् । खानले देशमा फेरी चुनावको माग गर्दै सो को पक्षमा माहोल बनाउँन विभिन्न स्थानमा सम्बोधन गर्दै आएका छन् ।

खान पाकिस्तानका राष्ट्रिय क्रिकेट टोलीका पूर्व कप्तान समेत हुन् । उनले पाकिस्तानलाई क्रिकेट विश्वकप समेत जिताएका थिए । बिबिसीबाट