चितवन प्रहरीले भन्यो– रविलाई बयान सकेर हिरासतमै नलगी कास्की लगेका थियौं
२०८१ मंसिर २३ आइतवार
चुनावअघि र पछि एमालेमाथि गरिएका भविष्यवाणी फेल खाए : केपी ओली
काठमाडाैं । नेकपा एमालेका अध्यक्ष केपी शर्मा ओलीले एमालेमाथि विराेधीहरुले गरेका सबै भविष्यवाणी फेल खाएका बताउनुभएकाे छ ।
आइतबार काठमाडाैंमा आयाेजित विद्यार्थीसँग पूर्व प्रधानमन्त्री : प्रेरणा र जीवन दर्शन विषयक अन्तर्क्रियामा विद्यार्थीले साेधेका जिज्ञासाकाे जवाफ दिने क्रममा अध्यक्ष ओलीले मंसिर ४ काे चुनावअघि र चुनावछि एमालेमाथि गरिएका सबै पूर्वानुमान फेल खाएका बताउनुभयाे ।
एमाले सिध्याउँछाैं र गठबन्धन सरकार बनाउँछाैं भन्ने विराेधीहरु भविष्यवाणी फेल खाएकाे उहाँले बताउनुभयाे । अध्यक्ष ओलीले चुनावी घाेषणापत्रमा २० वटा ग्यारेन्टी गर्दा धेरैले उडाएका स्मरण गर्नुभयाे ।
उहाँले भन्नुभयाे – ‘मान्छेले साेचेका थिए एमाले सरकारमा आउँदैन त्यसैले २० ग्यारेन्टी भनेकाे छ, चुनावअघि सबैले भनेका थिए एमाले सिद्धिन्छ, चुनावकाे परिणाम आएपछि मान्छेले साेचेका थिए गठबन्धनले अब खायाे खायाे तर अहिले हामी पनि सरकारमा जाँदैछाैं, गएका छाैं, हामीले भनेका २० ग्यारेन्टी ग्यारेन्टी हुन्,पूरा हुन्छन् ।’
