काठमाडाैँ । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले ज्येष्ठ नागरिकहरुलाई अभिनन्दन गर्नुभएको छ ।
सोमबार दोलखाका भीमेश्वर नगरपालिका–५ का वडाध्यक्ष वासु श्रेष्ठको नेतृत्वमा आउनुभएका ज्येष्ठ नागरिकलाई अध्यक्ष ओलीले दोसल्ला ओढाएर सम्मान गर्नुभएको हो । उहाँले दोलखादेखि आएका ४० ज्येष्ठ नागरिकको अनुभव र विचार सुन्नुभएको थियो ।
त्यस क्रममा एमाले अध्यक्ष ओलीले हरेक क्षेत्रलाई ज्येष्ठ नागरिक मैत्री बनाउन आफू लागिरहेको बताउनुभयो । उहाँले ज्येष्ठ नागरिकको सेवालाई मुख्य आधार मान्दै उनीहरुको हितका लागि आफ्नो प्रयास जारी रहेको बताउनुभयो ।
(https://mrbonespumpkinpatch.com/)
