काठमाडाैं । काठमाडाैंमा जारी नेपाल टी-२० लिग प्रतियोगिता विवादमा परेकाे छ ।खेलाडीहरुले पारिश्रमिक नपाएकाे र म्याच फिक्सिङ भएकाे चर्चासँगै लिग विवादमा परेकाे हाे । नेपाल क्रिकेट संघ (क्यान) को आयोजना र सेभेन थ्री स्पोर्टस कम्पनीको व्यवस्थापनमा पुस ९ गतेदेखि लिग सुरु भएकाे थियाे ।
विवादका कारण मंगलबार विराटनगर सुपर किंग्स र काठमाडौं नाइट्सबीचकाे खेल केही समय राेकिएकाे थियाे । मंगलबार साँझसम्म खेलाडीले पारिश्रमिकपाउने आश्वासनपछि खेल ९ ओभरमा झारेर खेलाइएकाे थियाे ।
खेल सकिनासाथ नेपाली राष्ट्रिय क्रिकेट टाेलीका पूर्व कप्तान तथा जारी लिगमा काठमाडौंका कप्तान ज्ञानेन्द्र मल्लले आफ्नो टिमको एक खेलाडीलाई फिक्सिङका लागि प्रस्ताव आएकाे बताए ।
मल्लले मात्र हाेइन क्रिकेट कमेन्टेटर सचिन तिमल्सिनाले मंगलबार नेपाल टी-२० लिगमा फिक्सिङ भइरहेको कुरा भिडियाेमार्फत सार्वजनिक गरे । क्रिकेटलाई गलत तरिकाले प्रयोग गरेर फिक्सिङ गराउने क्रियाकलाप भइरहेको आफूले देखेको तिमल्सिनाले भिडियाेमा दाबी गरेका छन् ।गृहमन्त्रालयले साे विषयमा छानबिन गर्न प्रहरीलाई निर्देशन दिइसकेकाे छ ।
