मेस्सीलाई पीएसजीको ‘गार्ड अफ अनर’

२०७९ पुस २१ बिहीवार
NewsDesk ShikharNews

काठमाडाैं । विश्वकप फुटबलकाे विजेता अर्जेन्टिनाका कप्तान लियोनल मेस्सीलाई फ्रेन्च क्लब पेरिस सेन्ट जर्मेन (पीएसजी) ले गार्ड अफ अनर सम्मान दिएकाे छ ।

अर्जेन्टिनी राष्ट्रिय फुटबल टोलीका कप्तान मेसीलाई पीएसजीलेले बुधबार गार्ड अफ अनरद्वारा उच्च सम्मान गरेको हो । पीएसजीकाे घरेलु मैदान सेन्ट जर्मेन ओँ लेनमा आयाेजित विशेष समाराेहमा खेल मेसीलाई गार्ड अफ अनरको ट्रफी हस्तान्तरण गरिएकाे थियाे ।

त्यसक्रममा क्लबका सहकर्मी साथीहरुले मेसीलाई उभिएर सम्मान गरेका थिए । समाराेहमा ब्राजिली स्टार नेइमार पनि सहभागी थिए । मेसी र नेइमार दुबै पीएजसीमा आवद्ध छन् । पीएसजीमा आवद्ध भएका फ्रान्सका केलियन एम्बाप्पे भने समाराेहमा सहभागी भएनन् ।

विश्वकपको फाइनलपछि १७ दिनको छुट्टी मनाएर मेस्सी बुधबादेखि क्लबकाे प्रशिक्षणमा फर्किएका हुन् । गत डिसेम्बर १८ मा भएकाे फाइनलमा अर्जेन्टिनाले फ्रान्सलाई पराजित गर्दै विश्वकपकाे उपाधि जितेकाे थियाे ।