काठमाडौं । सप्तरीको खडक नगरपालिका–११ मा रोकिराखेको टिपरमा दुई ओटा मोटरसाइकल ठोक्किँदा दुई जनाको ज्यान गएको छ । दुर्घटनामा अन्य दुई जना घाइते भएका छन् ।

ज्यान गुमाउनेमा बा ८९ प ३२१५ नम्बरको मोटरसाइकल चालक सप्तरीको खडक नगरपालिका–११ बनौलीका २० वर्षीय बैजु भन्ने बैजनाथ चौधरी र प्रदेश १–०२–०४४ प ८६१९ नम्बरको मोटरसाइकल चालक डाक्नेश्वरी नगरपालिका–१० का २२ वर्षीय रामाकान्त चौधरी रहेका छन् । उनीहरू दुवैको घटनास्थलमा नै ज्यान गएको हो ।

सप्तरीको खडक नगरपालिका–११ स्थित हुलाकी सडक खण्डमा बिग्रेर रोकिराखेको स १ ख ९२८ नम्बरको टिपरमा राजविराज तर्फ जाँदै गरेका दुईओटा मोटरसाइकल ठोक्किएका थिए ।