काठमाडौं । पृथ्वी जयन्तीको अवसरमा राष्ट्रिय प्रजातन्त्र पार्टी (राप्रपा) ले बुधबार चियापान कार्यक्रम आयोजना गरेकाे छ ।नेपाल एकीकरणका नायक तथा आधुनिक नेपालका निर्माता पृथ्वीनारायण शाहको ३०१औँ जन्मजयन्तीका अवसरकार राप्रपाले दिउँसाे काठमाडाैंकाे भृकुटीमण्डपमा चियापान कार्यक्रम गर्न लागेकाे हाे ।

राप्रपाका अध्यक्ष राजेन्द्र लिङ्देनले चियापानका लागि राजनीतिक दलका नेता तथा सांसद्लाई निमन्त्रणा गर्नुभएकाे छ । मंगलबार बसेकाे प्रतिनिधि सभा बैठकमा राेष्ट्रमबाटै उहाँले सबै दल र सांसद्लाई चियापानकाे निम्ताे दिनुभएकाे थियाे ।

समारोहमा प्रधानमन्त्री पुष्पकमल दाहाल प्रचण्ड, मन्त्रीहरू, विभिन्न राजनीतिक दलका प्रमुख तथा नेताहरू, नेपाल सरकारका उच्चपदस्थ व्यक्तित्व एवं नेपालको राष्ट्रिय जीवनका विभिन्न क्षेत्रमा ख्याति कमाएका व्यक्तित्वहरूलाई निमन्त्रणा पठाइएकाे राप्रपाले जनाएकाे छ ।

त्यसअघि बिहान साढे १० बजे भृकुटीमण्डपबाट अध्यक्ष राजेन्द्र लिङ्देनको नेतृत्वमा र्‍याली सहित सिंहदरबार अगाडि रहेको पृथ्वीनारायण शाहको शालिकमा माल्यार्पण गर्ने कार्यक्रम रहेकाे राप्रपाले जनाएकाे छ । मध्यान्ह १२ बजे भृकुटीमण्डप परिसरभित्र रक्तदान कार्यक्रम र १२ बजेपछि भृकुटीमण्डप परिसरभित्रै कवि गोष्ठी आयाेजना गरेकाे छ ।पृथ्वी जयन्तीका अवसरका आज सरकारले देशभर सार्वजनिक बिदा दिएकाे छ ।