चितवन प्रहरीले भन्यो– रविलाई बयान सकेर हिरासतमै नलगी कास्की लगेका थियौं
२०८१ मंसिर २३ आइतवार
एकीकृत समाजवादीमा प्रवेश गर्दै घनश्याम भुसाल
काठमाडाैं । घनश्याम भुसाल नेकपा एकीकृत समाजवादी प्रवेश गर्नुहुने भएकाे छ । नयाँ बानेश्वरस्थित अर्याल होटलमा दिउँसो २ बजे हुने कार्यक्रममा भुसाल एकीकृत समाजवादीमा प्रवेश गर्न लाग्नुभएकाे हाे । एकीकृत समाजवादीका अध्यक्ष माधवकुमार नेपालले भुसाललाई पार्टीमा स्वागत गर्नुहुनेछ ।
एमाले परित्याग गरेर सत्ता गठबन्धनकाे समर्थनमा रुपन्देही-१ बाट चुनाव लड्नुभएका भुसाल हार्नुभएकाे थियाे । प्रतिनिधि सभा सदस्य चुनावमा एमाले सचिव छविलाल विश्वकर्मासँग भुसाल हार्नुभएकाे हाे । पराजित भएपछि कुनै पार्टीतिर औपचारिक रुपमा नलाग्नुभएका भुसाल आज माधवकाे पार्टीमा लाग्नुभएकाे हाे ।
माधव नेपालले एमाले नछाेड्दासम्म माधवकै गुटमा रहनुभएका भुसाल माधवले नयाँ पार्टी खाेलेपछि त्यता जानुभएन । बरु एमालेमै बसेर पार्टी विराेधी अभिव्यक्ति दिनुभयाे । मंसिर ४ काे चुनावमा टिकट नपाएपछि एमाले छाेड्नुभयाे र सत्ता गठबन्धनकाे समर्थनमा चुनाव लड्नुभयाे । चुनाव हार्नुभयाे ।
मंसिर १८ गते उहाँले माधव नेपालसँग उहाँकै निवास पुगेर भेटवार्ता गर्नुभएकाे हाे ।
