आज सुनको मूल्यमा नयाँ रेकर्ड कायम ? कति पुग्यो तोलाको ?

२०७९ माघ १९ बिहीवार
sunita ji
Spread the love

काठमाडौं । नेपाली बजारमा सुनको मूल्यले आज इतिहासकै महंगो रेकर्ड कायम गरेको छ । बुधबारको तुलनामा बिहीबार सुनको मूल्य प्रतितोला १ हजार २०० ले वृद्धि भएसँगै मूल्यमा नयाँ रेकर्ड कायम भएको हो ।

अघिल्लो दिन छापावाल सुन प्रतितोला रू. एक लाख ६ हजार ३०० मा कारोबार भएकामा आज रू १ हजार २०० ले बढेर रू. एक लाख ७ हजार ५०० पुगेको नेपाल सुनचाँदी व्यवसायी महासङ्घले जनाएको छ । त्यस्तै तेजावी सुनको मूल्य आज १ लाख ७ हजार पुगेको छ ।

महासङ्घले सार्वजनिक गरेको विवरण अनुसार आज चाँदीको मूल्य अघिल्लो दिनको तुलनामा रू २५ ले बढेर प्रतितोला रू एक हजार ३९० पुगेको छ ।

महासङ्घले अन्तरराष्ट्रिय बजारमा हुने सुन तथा चाँदीको कारोबार मूल्यका आधारमा दैनिक सुन तथा चाँदीको मूल्य तोक्दै आएको छ ।