काठमाडौं । आज मंगलबार नेपाली बजारमा सुनको मूल्य स्थिर रहेको छ । सोमबार तोलामा ५०० ले बढेको सुनको मूल्य मंगलबार स्थिर रहेको हो ।
शुक्रबार १ हजार ४०० र आइतबार एकै पटक २ हजारले घटेको सुनको मूल्य सोमबार ५०० ले बढेको थियो ।
बिहीबार तोलामै १ लाख ७ हजार ५०० रुपैयाँ पुगेर नयाँ रेकर्ड कायम गरेको सुनको मूल्य शुक्रबारदेखि दुई दिनसम्म घटेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ४ हजार ६०० रहेको छ भने तेजावी सुनको मूल्य प्रतितोला १ लाख ४ हजार १०० रुपैयाँ रहेको छ ।
त्यस्तै, आज चाँदीको मूल्य प्रतितोला १ हजार ३२० रुपैयाँ रहेको छ । आइतबारको तुलनामा चाँदीको मूल्य स्थिर रहेको छ ।
