काठमाडौं । काठमाडौं महानगरपालिकाले काठमाडौंको मैतिदेवीमा रहेको प्रहरी बिटमा डोजर चलाएको छ । महानगरीय प्रहरी बृत्त सिंहदरबारको उक्त बिट सडक मिचेर बनाइएको भन्दै महानगरपालिकाले आज डोजर लगाइ भत्काएको हो ।

प्रहरी बिट भत्काउन महानगर प्रहरी प्रमुख एसपी राजुनाथ पाण्डेको टोली त्यहाँ पुगेको थियो । एसपी पाण्डेले मापदण्ड मिचेर बनाइएको भवन भत्काइएको बताए । डोजर चलाउनुअघि प्रहरी बिट खाली गराएको थियो । प्रहरी बिटमा रहेको सामान ट्रकमा लगिएको छ ।

तत्काल मैतीदेवि प्रहरी बिट कहाँ सार्ने भन्ने टुंगो लागेको छैन । प्रहरी बिट रहेको उक्त भवन सडक मापदण्ड मिचेर बनाइएको थियो ।