काठमाडौं । नेपाली बजारमा आज सुनको मूल्य बढेको छ । सोमबार स्थिर रहेको सुनको मूल्य मंगलबार तोलामै २ हजार ४०० बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख १० हजार ५०० रुपैयाँ रहेको छ भने तेजावी सुनको मूल्य प्रतितोला १ लाख ९ हजार ९५० रुपैयाँ रहेको छ ।

आज चाँदीको मूल्य प्रतितोला १ हजार ३७५ रुपैयाँ कायम भएको महासंघले जनाएको छ । अघिल्लो दिनको तुलनामा चाँदीको मूल्य प्रतितोला १५ रुपैयाँ बढेको हो ।