काठमाडौं । नेपाली बजारमा आज सुनको मूल्यले हालसम्मकै नयाँ रेकर्ड राखेको छ । मंगलबार एकैदिनमा २ हजार ४०० ले बढेको सुनको मूल्य बुधबार पनि १ हजार ५०० ले बढेपछि नयाँ रेकर्ड कायम भएको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख १२ हजार रुपैयाँ रहेको छ भने तेजावी सुनको मूल्य प्रतितोला १ लाख ११ हजार ४५० रुपैयाँ रहेको छ ।

आज चाँदीको मूल्य प्रतितोला १ हजार ३९५ रुपैयाँ कायम भएको महासंघले जनाएको छ । अघिल्लो दिनको तुलनामा चाँदीको मूल्य प्रतितोला २० रुपैयाँ बढेको हो ।