काठमाडौं । कोशी प्रदेशका मुख्यमन्त्री हिक्मत कार्कीले विश्वासको मत मागेका छन् ।

उनले मागेको विश्वासको मतबारे भएको छलफलमा विभिन्न दलका नेताहरूले आफ्नो धारणा राखेका छन् । प्रदेश सभाको बैठक आधा घन्टाका लागि स्थगित गरिएको छ ।

प्रदेश सभामा रहेका नेकपा (एमाले) र राष्ट्रिय प्रजातन्त्र पार्टीले सरकारलाई समर्थन दिने भएका छन् भने नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) विपक्षमा छन् ।

जनता समाजवादी पार्टी (जसपा)की एक्ली सांसद निर्मला लिम्बु छलफलमा सहभागी नै भइनन् । आधा घन्टाका लागि स्थगित भएको बैठक फेरि सुरू हुँदा मुख्यमन्त्री कार्कीले राजीनामा दिन्छन् कि विश्वासको मतमाथि मत विभाजन हुन्छ टुंगो छैन ।

कोशी प्रदेश सभामा बहुमतका लागि ४७ सिट आवश्यक हुन्छ। एमाले र राप्रपाका ४६ जनामात्र सांसद छन् ।