सामान्यतया कुकुर र बाँदर मिल्ने प्राणी होइनन् । बाँदर देख्ने बित्तिकै कुकुरले झम्टने गरेको त तपाई हामीले देखेकै कुरा हो । त्यस्तै उस्तै ताल परे बाँदर पनि कुकुर माथि जाइलाग्न बेर लगाउँदैन । तर स्वयम्भूमा कुकुर र बाँदरको एउटा जोडी भने अचम्मकै छ ।
यी कुकुर र बाँदरको मित्रता साच्चीकै हेर्न लायकको छ । स्वयम्भू क्षेत्र पुग्नेहरु यी कुकुर र बाँदरको मित्रता देखेर चकित पर्ने गरेका छन् । कुकुर र बाँदर यति मिल्छन् कि प्राय दुवै जिस्किरहेको, चलिरहेको र एक अर्कालाई माया गरिरहेको अवस्थामा भेटिन्छन् ।
बाँदर पनि के कम, यताउता कतै जानु पर्यो भने कुकुरको ढाडमा चढिहाल्छ अनि कुकुरले पनि निकै माया गर्दै बाँदरलाई पिठ्युमा बोकेर हिडिदिन्छ । यी दुईको चर्तिकला देखेर स्वयम्भू पुग्ने मानिसहरु निकै रमाइलो मान्दै हेरिरहेका हुन्छन् । कतिले त क्यामेरा वा मोवाइल निकाल्दै फोटो खिच्न पनि बाँकी राख्दैनन् ।
